JITFAT團台北之旅終於啟航，
六位團友晨咁早五點幾就出門口搭頭班巴士出發，
去到九龍站CHECK IN寄行李然後先入機場。
去到機場已經七點半，入埋閘七點九，
我地竟然不顧一切咁去左大家樂買早餐，
(我地係知道有飛機餐食，但依然堅持要買返個雞扒炒蛋加凍奶茶，哈哈)
結果我地俾人最後召集，
因為我地班機係八點三起飛！！！！！！
好彩都上到機，仲要食埋個大家樂個早餐，
然後再食埋飛機餐！大食到呢~~~
十點鐘抵達台北喇，
換完錢又去買電話卡，去這去那才買到，
差不多十一點先可以離開，
坐巴士到酒店，
本來安排了兩個房間六個人，
又被柜位姐姐發現左屈蛇，
要另外加錢換大房，
唉，錢就係要咁駛架啦~~~
午餐，郭蒸餃，唔難搵，
但係一坐低，阿嬸話最低消費每人一籠，
GOD，一籠有十粒，
結果都食左五籠，
味道還不錯，但係三十幾度，
環境熱左一d啦。
地下街逛逛冇咩特別，
走到新光三越嘆冷氣，
搵到NIKE特賣場，
天啊，NBA球星PENNY既經典波鞋，
半價！！！！仲要咁岩剩低一對9號，
本來唔諗住買野，結果都破費了。哈哈。
最先有收獲既竟然係我！！！
返酒店抖抖再出發，
直往北投浸溫泉，舒服耶！
然後去左美麗華坐摩天輪，
返落黎走左去做運動，
射籃球、STAR BALL、ICE SKATING、射槍、保齡，
(全部都是電子遊戲版，哈哈)
做完運動一身攰晒，
出返去士林夜市食鐵板燒醫醫肚。
這就是情侶裝了
為影靚靚婚紗相竟然係我大破慳囊 
