台灣之行 7月31日

不經不覺到左最後一日既行程

朝早就唔咁早出門口

執好晒野CHECK OUT左先

之後去左食王

記府城既肉糭

然後去左二二八和平公園

曬到呢~~~

因為二二八先去(係我既生日呢)

點知去度先發原來光良的"約定"就係呢度拍MV

都總算唔係白行一趟!!

之後出發去101

都係影下相呀咁啦

上年天氣關係冇開放91樓

今次就有得上去行下

感覺真係唔一樣

當然要去埋TOYLAND買衫俾BB啦~~~

跟住就去食LUNCH

諗住去食大來小館既滷肉飯

捷運出左黎行到隻積咁都未到

又要曬...又要口渴

行左十分鐘終於搵到條街

轉入去又再行十分鐘

點知佢地午休喎~~~

xyz^&*&$*(^*%^%^$#

咁都冇辦法啦

好彩五分鐘路程就到永康街

結果去左府城台南食清蒸蝦仁肉丸

唔錯架 ...下次再去試下

同埋記得要LUNCH TIME去大來小館...HAHA

之後搭的士去江記華隆買豬肉紙

嘩...幾鬼遠

買完又難截的士

一來一回搞到五點幾先返到酒店

僅僅趕得切去到機場CHECK IN

點知阿"班長"服務員又幫唔到我地揀埋一齊坐

分開幾個位置坐

結果UPGRADE埋老婆坐商務客位

可惜得一個可以坐

仲要有個肥黑鬼坐佢隔離

悶死佢...不過有海鮮意粉食

而經濟位既我地只係捱麵飽

CX都幾離譜...麵都冇一條

總結今次行程

除左唔見左部相機

都係愉快無比既旅程同經驗

期待婚照~~~~

希望快D有相睇啦~~~

期待!!!!

期待!!!!

期待!!!!

期待!!!!

台灣之行 7月30日

第四日早上本想食肉糉
點知原來十點先開門
結果就買左幾個水煎飽就搭捷運
去景安站轉搭巴士去小人國
原來一D都唔近
搭成個鐘巴士先到小人國
去到門口見到職員D衫有D反胃
但都擋不住我地既熱情
一入到去先係小人國
仲同BB影左好多相
當中亦都搵到好多叮噹(都係咁叫親切D)
跟住地圖行
終於搵到多啦A夢館
亦係我地今日黎既最住要目的
入到去有好多叮噹既場景
我地一行六人亦都好識配合場景影相
仲買左一個竹蜻蜓送俾LUDWIG仔
之後去左機動遊戲部分
食完午飯佢地就去左玩機動遊戲
仲有機會帶埋BB同靜兒(香)合照呢~~
大概四點幾就離開
我地兩老(哈)就去左揀相
佢地就自己行信義區
我地終於都收到D相
唔知係真定假
覺得自己影D相係靚過人地0個D(O晒咀)
結果揀左超過150張相
破財喇~~~人生先得一次
覺得靚就梗係買啦
費事第時後悔啦
不過就要努力儲錢喇~~~
跟住九點幾去到上合屋食自助餐
經過全日既勞累
其實都沒太多心機食野
反而係坐低傾下偈
結果食到十二點幾人地打烊我地先走
完結我地第四日既旅程

台灣之行 7月29日

今日係影相既大日子
凌晨四點鐘就起醒左
因為大家都怕自己起唔到身
結果一齊四點鐘醒左...哈哈

最終都係七點鐘起身
七點九已經到左婚紗店
連造型師JOYCE都未返到

上到去化粧其實好快
八點幾開始
九點幾就化好晒換埋衫
風SIR亦都返到
佢完全冇同我地溝通過我地想要D咩既感覺
但後來睇相都OK
感覺幾對辦

老婆換完衫出黎
著住套婚紗既女人係特別靚
入到去影樓影D單色背景
紅呀黑呀黃呀
開頭我以為應該都幾肉酸
同埋佢叫我地擺D POST都有D怪
可能係唔慣咁樣影相
影影下都OK喇...感覺好似熱完身開始入局
換左兩三套衫就出外景喇
都只不過係十一點幾

先到自來水博物館
中午時分...陽光普照
結果就帶出左我既"咪咪眼"
一叫我望天就等於收埋我既眼珠
風SIR最終都放棄
叫我地對望下咁就算
佢都怕影完D相唔要得
影左大概一個鐘就離開

跟住坐車去淡水
都幾遠車程
大家都係車度訓著左
大概一點半左右到達小白宮附近
我地先食野
佢地帶左我地去好出名既淡水阿給老店
我地終於都試過阿給係咩東東喇

食完野休息一陣就換衫入小白宮影相
我就在車上換衫
初頭都有一D尷尬
因為車頭玻璃係沒遮沒擋
但原來老婆仲犀利
老婆坐係度造型師幫佢換衫
係唔需要遮擋都完全唔會走光
更厲害!~!~!~

小白宮都影左差唔多一個鐘
仲有影埋BB TIM
造型師仲幫我地用自己部相機幫BB影左D相
跟住又去左草地木橋影左D相
都有BB份呢
可惜係我唔小心整唔見左部相機
連埋D相一次過報銷晒
唉...都係我粗心大意...掃晒興

但都唔可以影響我地既心情
我地接住去左教堂同小碼頭影
尤其小碼頭D相影得唔錯
最後一站就去到漁人碼頭情人橋喇
情人橋同碼頭影左幾張夕陽照
之後就要等天黑 (差不多成個鐘!!!)
因為晚上七點情人橋會著燈
我地重點就係要呢個夜景呢

初時我以為返到去公司
佢地會搵我地食飯
(初頭買PACKAGE時佢地話會介紹我地食好野
我以為我要請佢地食飯呢)
點知一返到公司佢地已經忙緊要做生意
唔知點解個晚特別多人
揀相呀或者係黎搵PACKAGE
結果我地找完尾數就去左西門町搵埋華華佢地食飯

全日過程好累...但好開心
影到好多相...但老婆又擔心D相影得唔靚
但係好唔開心我自己大意整唔見部相機
BB D相冇晒喇~~~
嗚~~~~

台灣之行 7月28日

今天早上九點鐘出發，
食老蔡水煎包同良品牛肉麵做早餐，
跟住就去左台北動物園，
坐捷運都唔快，
去到我個人認為都幾好玩，
兩個鐘頭睇左樹熊(其實超無聊，只係未見過，入到去又見唔到佢地個樣)，
又睇左夜行性動物，幾得意，
尤其是貓頭鷹扮許文強，
之後又近距離睇到大熊貓團團圓圓，
下次黎台北要預一整個下午先睇得晒。
LUNCH出去食邊田庄，
D野都幾好食，但其實都幾貴，
埋單每人要七八十蚊港幣，
唔係一般既食肆。
但佢個杯梅茶真係不得不飲，
我地個個都淨係飲杯梅茶，
普通熱茶都冇人吼。
原來有得添飲，可惜事後先發現。
然後我同老婆去左試衫，
風SIR冇返工，
只係我地自己係度衫同埋講下想去邊，
揀衫都冇咩特別，
但我覺得都係揀左一D較少人著而又靚既款式，
唔要黃色、藍色、紫色飄飄下個D”指定”款式，
希望可以影到一個特別D既效果，
唔好同其他人千篇一律咁啦！
唔夠兩個鐘揀晒衫，
之後就入淡水行街，
其實上年都去過，不過今年就計劃得周詳D，
同埋今日天氣好好，終於可以搭船去漁人碼頭，
總算同上年有D唔同。
情人橋始終係最靚既景點，
仲影埋日落黃昏，好靚啊！
仲要等埋條橋夜晚七點鐘著埋燈影下相先走。
差不多九點就出到市區食放牛班，
以學校班房為設計主題，
D野食都幾好味(我覺得細碟左D)，
但都食飽飽返酒店呢~~~